萬千星輝2020｜馮盈盈忽然富貴 鄭衍峰：好唔公平戥佢唔抵！
撰文：邱愛霖
出版：更新：
馮盈盈被指「忽然富貴」，鄭衍峰嬲爆開腔護緋聞女友。（陳順禎攝）
馮盈盈早前曬豪宅加名牌袋，被質疑「忽然富貴」，男友鄭衍峰嬲爆開腔護緋聞女友：「 其實好慘。大家有冇諗過，artist有好多side job，盈盈本身係個好勤力嘅藝人，講真嗰句，你出個event、IG post，分分鐘已經買到兩、三個手袋。其實好唔公平，抹殺咗好多藝人嘅努力。佢EQ已經被訓練到，睇得好化嘅一樣嘢。反而今次佢同我講，我嬲過佢呀！我琴晚有少少戥佢唔抵，我上網睇啲新聞、comment，佢叫我唔好睇啦，跟住我又抵唔住頸，我又有comment返轉頭，當然係理性討論。」
鄭衍峰在網上留言為馮盈盈平反。（陳順禎攝）
他又認為盈盈繼續孭名牌袋沒有問題：「佢爹哋送畀佢嘅袋，有咩問題。相信佢呢年係傳媒底下都受咗好多箭靶。（藝人）某程度上都需要呢啲新聞，不過佢太多。」最後他撇清關係：「唔關我事嘅，純粹係戥佢唔抵。」
最後鄭衍峰直言：「唔關我事嘅，純粹係戥佢唔抵。」（陳順禎攝）