林文龍邀請為AMM創作時裝劇未因疫情停工 戚其義:預出年3月開拍

撰文:游大東
出版:更新:

世紀疫症變幻莫測,香港早前疫情原本已轉趨穩定,但近日又出現第四波爆發,為減低傳播風險,戲院、劇院隨時要關閉,就連電影、電視拍攝進度亦有可能再次受阻。曾擔任亞視副總裁、現已轉職為亞洲心動娛樂(AMM)香港區副總裁的林文龍,早於今年6月接受《明報周刊》訪問時透露,已邀請前無綫金牌監製戚其義合作開拍新劇:「戚其義已跟我達成共識,會成為長期合作夥伴,他已開始埋班,正籌備下半年的工作。」奈何疫情狀況不明朗,連帶該劇的拍攝計劃亦突然變得「冇聲冇氣」,難道如外界傳聞因為林文龍「離開」亞視,轉投新公司AMM而無限期擱置?戚其義日前出席他有份投資的甜品店開業儀式時透露,新劇創作沒有停止,「其實冇停過,創作劇本唔需要喺條街度嘅。」
撰文:游大東

戚其義與兩位拍檔:陳豪(中)和「甜姨姨」Candy(左)一同在銅鑼投資開設甜品店。(劉智源攝)

戚其義直言,今次為AMM合作的新計劃為30集時裝劇,預計明年3月開拍,現時劇本仍在籌備階段,「題材係時裝愛情片啦,(疫情下)呢個暫時嚟講係最安全。」他說,全劇會有30集,現時大約寫了三分一,所以選角暫時未有心水,「等個劇本再成形啲先!」至於今次新劇會不會再跟《金枝慾孽》(2004)和《天與地》(2011)的舊拍檔、編審周旭明合作?阿戚坦言這次創作劇本上沒有他,「佢好忙,要另外一啲同事幫手。」

提到「神劇」《天與地》,明年將會是首播10周年,問阿戚會不會原班人馬再有新搞作,包括《天與地》續篇?「有㗎,其實年年都有(諗),唔一定係《天與地》,我哋呢班人成日都有聯絡,但問題係阿Mo(陳豪)又有細路仔,就會諗多啲嘢囉,我諗佢哋都比較穩陣啲,即係變咗唔同我哋,佢有小朋友。」當然疫情嚴峻也是無法成事的關鍵,「我諗睇個疫情啦,而家呢個環境、氣氛,好似今日(20/11)咁,爆咗廿幾宗,大家都好擔心。阿佘聽聞喺大陸,佢一來一回14日,我諗佢都唔會考慮。」

林文龍請《金枝慾孽》監製出山 戚其義將炮製亞視重頭劇

身為「金牌監製」的戚其義,認為今時今日港劇依然有得做。(劉智源攝)

直認港劇仲有得做:有睇《歎息橋》同埋《殺手》!

自從《金枝慾孽貳》(2013)離開娘家無綫後,阿戚已有幾年沒有新作推出,問他最近有沒有留意港劇?他說有看無綫的《殺手》以及ViuTV的《歎息橋》,都是跟他份屬老友的陳豪與林保怡作品,「睇《殺手》,阿Mo仲得囉(應付)啲動作,至於《歎息橋》,OK喎,我覺得(表達手法)幾新,同埋最緊要係成班人我都識,變咗佢哋響入面嘅用心我係睇到。」

「港劇仲有冇得做」是近年很多行內人都討論的話題,作為「金牌監製」,阿戚以肯定的語氣說:有!理由在於港劇的味道難以取代。「始終你講嗰個競爭市場係喺大陸呢,我哋港劇仲係快啲嘅,可能我哋嗰個(創作)空間呢,而家仲可以嘅。」問他有哪些改善建議?他認為現在不是時候講這個問題,「我諗要改善,真係要靠我哋創作同製作,最緊要睇投資方,同埋成個市場,如果個市場去到個氣氛咁樣呢,你都唔好講改善住,我覺得大家要配合番而家個需求先,即係改善嗰啲,我諗係等大家百花齊放嘅時候就有得講。」

暖男爸爸.專訪︱鄭中基指港劇不死惜現實局限創作:好多自我審查

點擊睇《殺手》劇照:

+25
+25
「神劇」《天與地》將於明年迎來首播10周年。(網上圖片)

同場加映:歎息橋.專訪︱周家怡埋怨林保怡沒份去比利時:編劇只寫我講電話

+20