李靖筠接受唔到長期車中泊:我真係好鍾意乾淨㗎!

撰文:陳曉毅
出版:更新:
Gladys再次邀請多次合作的小克填詞。

李靖筠(Gladys)日前(28日)推出新歌《嗚哩雙刀》。2020年對於全世界的人來說是一場惡夢,碰上疫症及在限聚令的規限下,很多人都不能與朋友或情侶外出聚會。在2020年即將完結時,Gladys的新作《嗚哩雙刀》正正為我們生活帶來一點甜。新歌提醒我們如果找到相愛的人,應該要每時每刻都黏在一起,珍惜相處的每一秒。

這次Gladys再次邀請多次合作的小克填詞,她謂每次小克都會為她帶來驚喜,「佢將呢一個故事變做一個好污糟、好『嗚哩馬叉』嘅兩個人一齊,大家係好污糟,但冇所謂,佢哋係好享受呢一個感覺。」及後她更笑說:「事先聲明,嗰個人唔係我呀,我唔係咁樣㗎。」《嗚哩雙刀》的歌詞,不止以廣東話日常口語直接表達情感,內容亦相當富有香港特色,整首歌聽起來就像隨心且直白地向情侶表達愛意,是一首非常「貼地」的香港情歌。作曲方面,除了請來首次合作的蘇道哲,Gladys自己也參與作曲部份。

Gladys只可以接受在車中生活一個星期。

MV講述一對情侶長居於一架營車中,被一個外國導演把他們幸福的同居過程拍成一套紀錄片,結果紅遍外國更被獲邀亮相外國訪談真人騷。導演特意找來一架懷舊麵包車拍攝,Gladys跟MV男主角住在車中,雖然外人看覺得很古怪,但其實二人十分滿足,很享受這種生活。問到Gladys現實生活中可以這樣生活嗎?她坦言只可以一個星期,「太長時間我真係唔得,因為我個人真係好鍾意乾淨㗎!大家係咪估唔到呢?」她又表示如果閒時去這種road trip,覺得十分浪漫,「我頭先同MV男主角阿朗嘅互動﹐我哋真係好似生活喺呢度,傾吓閒偈、淋吓花、執吓嘢,我都覺得好開心好浪漫。」她又自爆跟「車」特別有緣,因為她多首歌曲MV中都出現不同車款,如:《小蚊赧》的綿羊仔、《Getaway》的Jeep、《一千零一夜》的古董車等,「今次又係喺架車入面拍,冇諗過呢架非常之traditional嘅麵包車可以裝飾到咁靚,真係覺得可以喺呢架車入面住。」

李靖筠冇諗過呢架麵包車可以裝飾到咁靚。

點擊睇李靖筠其他MV靚相:

+9