李施嬅自爆投資飲食業:喺香港都有好幾間餐廳

撰文:
最後更新日期:

李施嬅下月將返加拿大拍劇。(陳順禎攝)

李施嬅出席餐廳開幕活動,原來佢唔聲唔聲都有多項副業投資,佢接受《香港01》訪問時自爆:「其實我都有好幾間餐廳呀喺香港,呢度就無份嚟支持下啫,自己有墨西哥菜,中國菜等,大集團好多款餐廳,不過平時淨係出錢無理經營方面嘅嘢。」

即投「01最賞睇娛樂大獎」兼答簡單問題,被選中內容最精彩、令人印象深刻及令人產生共鳴的答案,就有機會贏最新5G手機12 Pro,按此即投贏巨獎!

剛拍完《金宵大廈2》,施嬅正在休息,之後又要飛返加拿大為電視劇《 Blood and Water》第3季進行拍攝:「1月要返加拿大啦,因為套劇其實年初拍緊,之後一直停到依家無得再拖,因為戲中我有個女,依家佢都大個咗要再cast過。我得返2星期左右嘅戲,但預埋頭尾隔離又無咗一個月。」

陳展鵬今日活動後極速離開。

提到好姐妹胡杏兒喺內地節目《演員請就位2》中勝出奪冠,施嬅都感到興奮:「好為佢驕傲,仲要用國語去演,一啲都唔簡單。有機會我都想試下,但要睇可能廣東話英語演出,每個語言都有唔同感染力。」

李施嬅出席餐廳開幕,專登揀條中國風連身短裙配合主題。(陳順禎攝)

同場加影:李施嬅爸爸勁Fit勁後生 網民激讚好有型:以為是男朋友

+3
+3
+3


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。