叱咤2020︱陳奕迅比喻過去似「插錯插頭」：2020年係過渡期
撰文：邱愛霖
出版：更新：
《2020年度叱咤樂壇流行榜頒獎典禮》今晚（1/1）舉行，節目期間播出幾位藝人2020年的感悟，其中陳奕迅（Eason）的一番說話卻富有深意，似乎意有所指。
陳奕迅笑稱2020年是個「新紀元」，之後指2020年過去一年「過渡期」。（影片截圖）
他首先笑稱2020年是個「新紀元」，指過去一年為「過渡期」，更正色道：「全世界都好多人冇嘢做，我覺得係正常嘅，係要抖下。唔係風涼話，唔係話：『梗係啦！你可以afford到個生活！』而係好多嘢要重整。可能好多嘢做緊，我哋係做得錯嘅，即係變咗習慣，但習慣唔代表佢係啱。」
陳奕迅比喻過去就似是「插錯插頭」。（影片截圖）
他又比喻過去就似是「插錯插頭」，「即係好多嘢係一路錯緊，原來個插頭係一路插錯咗。不過仲work喎盞燈，咁但係插得唔啱呀嘛！可能有啲嘢要調校。而家呢個世界。我覺得係一個階段接另一個階段嘅中間嗰個交接期。」