萬千星輝2020|黎諾懿笑稱冇對手攞硬視帝:大家都知我好戲

撰文:吳子生
出版:更新:

「疫境廚神」黎諾懿今日(7/1)現身灣仔出席自家品牌新春慈善賀年糕點發佈會。諾懿表示:「今年都係秉承傳統做咗三款糕點,扣除成本後,將全數撥入受惠機構《九龍樂善堂》嘅膳待飯勞計劃度,只要大家買一盒賀年糕點,就可為一戶基層家庭提供10餐免費膳食,所以覺得好有意義。」

黎諾懿力撐丹爺攞視帝寶座。(陳順禎攝)

提到有份競逐視帝寶座,諾懿笑言:「今年都係我攞,視帝唔係我攞仲有邊個呀!但今年我就唔攞住喇,我就想丹爺(劉丹)攞,因為佢喺《愛回家》度做我老豆都做咗咁多年先畀佢先,大家都知我好戲㗎啦,年年都冇乜對手,咁咪下年再攞!(唔怕王浩信聽到嬲你?)點會嬲我啫,浩信佢攞過喇,唔好咁貪心,畀吓人攞啦!我成日都講,一個大家族一齊分享開開心心。其實浩信佢攞唔攞獎,好多人都覺得佢好戲。」

黎諾懿笑言自己冇攞獎運。(陳順禎攝)
+1