朱紫嬈爆患遺傳脊椎側彎 背留20吋疤痕：覺得好自卑
撰文：吳子生
出版：更新：
歌手朱紫嬈（Khloe)今日（12/1）現身尖沙咀出席《怪誕》新歌發佈會。Khloe透露新歌曲靈感來自童年不快樂的經歷：「喺我就讀五年班嘅時候，做體檢時發現有脊椎側彎，於是要接受治療，要長時間穿帶矯正器生活同埋返學，返到學校覺得自己好似怪物異類咁，畀同學取笑我又杯葛。最終上到中學矯形失敗，要接受手術，背部留有20吋嘅疤痕。」
Khloe原來曾有過一段不快的人生經驗。（梁碧玲攝）
雖然手術成功，但Khloe每次照鏡看到背脊留有長長的疤痕時，內心總會產生強烈自卑感，否定自己的能力，「其實而家我係冇以前咁嚴重嘅，因為而前嘅我負能量係好強，成日都會覺得自己唔得，睇其他嘢都好負面，不過好多謝身邊嘅朋友幫助開解，漸漸已經有好大改善。」
Khloe透露因為疫情關係，入行十周年紀念音樂會被迫取消，大感無奈。（梁碧玲攝）