全民造星III︱十強參賽者工作動向 Cloud忙拍廣告KLAU儲錢搞創作

撰文:
最後更新日期:

ViuTV王牌選秀節目《全民造星III》於去年Boxing Day(26/12)圓滿落幕,事隔個半月,一眾粉絲就非常關心參賽者的工作動向。冠軍Ben(趙祥誠)將會與「A組媽媽」梁祖堯一同出演舞台劇《通菜街喪屍戰》,15場的門票於一小時內就被極速清空只餘輪椅位,反應相當熱烈。至於十強其餘的參賽者動向又是如何?記者就問題逐一詢問他們,暫時得到李靜蓮(Alina)、劉瑞祈(KLAU)的回應、而陳葦璇、雲浩影(Cloud)則透過經理人回覆。

冠軍Ben(趙祥誠)將會與「A組媽媽」梁祖堯一同出演舞台劇《通菜街喪屍戰》。(海報)

Alina忙於拍攝個人YouTube頻道影片 望有大廣告代言

李靜蓮(Alina)回覆《香港01》時指近排忙於拍攝個人YouTube頻道影片,參加《造星》後試鏡機會亦有所增加:「呢排都忙於拍一啲新嘅片落YouTube,希望可以令我YouTube重新有生命。最近都係Casting比較多,希望之後會有再多工作機會補返玩《造星III》嘅支出。」

Alina透露參加《造星》總共花費6位數字,幸好決賽後工作量有倍數增長令她可以補回早前的支出:「工作收入慢慢同IG Followers一樣,差唔多有3倍增長,決賽後就大概總計六位數字嘅收入,可以補返之前《造星》用嘅錢,之後最希望可以做到一個大廣告嘅代言。」

+3
+3
+3

KLAU籌備為個人作品拍攝MV 努力儲錢做更多廣東歌

再次參加《全民造星》的KLAU說最近忙於籌備個人作品的MV拍攝,其餘時間則努力工作賺錢繼續創作:「最近忙緊將自己啲作品籌備拍MV,另外嚟緊會上ViuTV一個音樂節目做嘉賓,其餘時間努力工作搵錢繼續創作。」他續指多了不少工作機會,但因未有經理人令宣傳歌曲變得困難:「多咗人邀請工作,不過依家仲未有經理人,好多嘢都唔識慢慢學緊。今次比起《造星II》最唔同嘅係自己冇咁被動,雖然都唔係太多時候可以畀觀眾好好認識自己,不過今年多人睇,收到好多支持!而最重要嘅係今年可以分享更加多自己嘅廣東話作品,呢樣嘢係最值得開心。好多時候都要親力親為,希望可以有多啲平台可以上,如果唔係好多作品都難以畀更多人見到。」

再次參加《全民造星》的KLAU說最近忙於籌備個人作品的MV拍攝,其餘時間則努力工作賺錢繼續創作。(IG/ @kayyyy_reve)

被問到會否考慮與ViuTV簽約,KLAU說正等待一間與自己有相同諗法的公司出現,亦希望可以與陳澤言(CY)拍攝節目:「始終做歌手有公司Back Up條路會比較好走,無論係宣傳同埋資源上面,而且如果做跳唱需要嘅成本更貴,我好相信同期待會有一樣諗法嘅公司出現。同Viu一直維持好好嘅關係,成日覺得自己真正俾人認識係通過《造星II》、《造星III》,最希望嚟緊可以同到好兄弟阿神(曾贊學)合作,或者有唔錯化學作用嘅CY會一齊拍到節目,咁就可以又繼續到音樂創作,又可以上下節目搞下笑更加入屋!」

雖然收入的確比從前多,不過KLAU坦言單靠創作未必足夠應付日常開支,所以長遠目標是努力儲錢再做更多的廣東歌:「喺香港單靠做藝術真係未必夠,所以都會繼續嘗試下做其他嘢去搵多啲錢Support做歌,儲緊錢創作係長期目標。最後見到香港嘅音樂愈來愈多香港人擁抱同留意,對未來充滿住希望。」

+2
+2
+2

陳葦璇親自為新歌《本日終了》作曲、填詞

陳葦璇的經理人早前回覆時指她正忙於籌備新歌,新一年將投放更多時間在唱歌方面:「葦璇最近忙緊籌備新歌啊,上星期完成MV Shooting,大家好快會聽到佢今年嘅第一Plug。2021年都會Focus唱歌,今年第一Plug,葦璇第一次參與創作(作曲、填詞)嘅部份,嚟緊嗰啲歌曲都會繼續參與創作,大家要期待一下。工作量方面都有因為《造星》而增加,真係多謝大家支持葦璇。」葦璇首次作曲、填詞的作品《本日終了》亦已經派台。

Cloud忙於拍攝客戶廣告 新歌籌備當中

雲浩影(Cloud)的經理人回覆時指她正忙於拍攝客戶廣告,新歌亦在籌備當中:「近排忙緊客戶廣告,都多客戶搵佢,多謝大家搵佢。歌就啱啱開始準備、籌備中,但未成型,如果搞得掂可能最快都要兩個月後,冇咁快。」

葉巧琳推出2021年第一Plug CY或將推出新歌

葉巧琳(Mischa)最近就推出2021年第一Plug《浸浴》、「神經刀」陳澤言(CY)日前就在IG上載與監製伍仲衡在錄音室的合照,伍仲衡更指CY的聲音似Mr.主音布志綸(Alan):「我覺得佢把聲似布志綸多過陳奕迅」,相信CY亦即將推出個人音樂作品。等待他們的作品時,大家可以先在ViuTV節目《囝囝女女730》觀看一眾《造星III》參賽者的演出。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。