開心速遞│Anita梁茵自爆有三個追求者：有個男仔買外賣想探我班
撰文：吳子生
出版：更新：
梁茵（Kiko)今日（15/1）現身將軍澳電視城出席無綫處境喜劇《愛．回家之開心速遞》祝捷會。提到早前被指身穿短裙騷長腿赴會中佬陪撐枱腳，疑似蜜運中。Kiko笑言：「報導出咗街之後，我都有問返嗰朋友介唔介意？因為同我做朋友就要冒呢個風險，不過對方就話自己預咗，反而佢話會擔心返我多啲。不過就冇損我哋嘅朋友關係。」
梁茵直認身邊多追求者。（葉志明攝）
Kiko亦透露身邊確實有三幾個追求者，直言最怕「跟車」太貼，容易惹人反感：「試過有個男仔買晒外賣，影埋張相send畀我睇，然後話過嚟探我班，我知道之後好驚佢影響我工作，我就拒絕咗佢。（事實係嗰個人唔係你心意對象，所以謝絕探班！）哈哈！你唔好咁啦！其實所有朋友我都好想見嘅，不過就唔想喺工作嘅時候見面，認為唔係太過恰當。」
Kiko透露今個月尾會拍攝新電影。（葉志明攝）
+2