胡鴻鈞認蔡思貝係「普通朋友」：從來都冇改變過
撰文：賴家杰
出版：更新：
胡鴻鈞（Hubert）今天（17日）出席TVB《2020年度勁歌金曲頒獎典禮》，Hubert表示今天晚上每一位都是大贏家：「2020一個咁唔容易過嘅一年，每一個歌手都特別做好自己作品，所以每一位都係大贏家。」
Hubert希望今年能舉行自己的個人演唱會。（梁碧玲攝）
另外緋聞女友蔡思貝近日捲入當「小四風波」，Hubert說都知道這個傳聞：「我相信佢係一個好堅強嘅人，好多唔同新聞同坊間流言，我相信佢可以處理到。（話佢做小四）我哋冇刻意討論呢個話題，做朋友之間係互相信任同空間對方，應該咁講做朋友我有啲嘢想同佢傾先會傾啦，唔會話主動去八人啲嘢，都係等身邊人想同我講就會講。」
思貝奪得「最佳女主角」Hubert有主動恭喜。（梁碧玲攝）
而二人關係一直被傳是男女朋友，Hubert強調：「我哋一直都好好朋友，啱啱有記者問係咪一齊住，我就話係同爸爸媽媽一齊住。（思貝好似降做普通朋友）冇變過，一路都係朋友，從來都冇改變過我哋朋友關係。」
Hubert現時感情狀況是單身，直言等待緣份來臨。（梁碧玲攝）