謝嘉怡談愛犬從英國抵港團聚情況 見到主人即哀鳴：細狗喺度喊！
撰文：吳子生
出版：更新：
應屆港姐謝嘉怡（Lisa）、陳楨怡（Celina）及郭柏妍（Rosita）昨晚（19/1）現身電視城出席《慈善星輝仁濟夜》項目排練。Lisa透露表演「武幻」項目練到手軟：「因個木環好重，練完左手又要練右手，雙手好快攰。」而表演幻象環的Celina亦表示：「好似做咗10分鐘平板支撐咁，練完手臂酸痛，要靠自己返屋企按摩。」表演八字環的Rosita就話：「一開頭睇落好簡單以為八字環好輕，主要用手指嘅力，但原來手指手臂都要用力，最難係點樣做得靚畀觀眾睇。」
Lisa表演「武幻」項目。（陳順禎攝）
提到兩愛犬日前從英國抵港團聚，Lisa表示勁開心：「之前我媽咪揸車送佢哋落倫敦放佢哋去機場，然後佢哋到咗香港之後，我就去機場接佢哋。見到佢哋係個狗籠度，隻細狗喺度喊，喺度哀鳴，而大狗就想去廁所，因為佢忍咗成二十幾個鐘好辛苦。」
Celina表演「幻象環」項目。（陳順禎攝）
Rosita表演「八字環」項目。（陳順禎攝）