龔嘉欣早前喺台慶頒獎禮上連獲兩個大獎，慶祝過後隨即投入新工作，佢回覆《香港01》表示將會參演《十八年後的終極告白》續集。

《十八年後的終極告白》去年4月播出，環繞一單18年前命案，劇情緊湊係TVB少有懸疑劇集，唔少觀眾大讚有新鮮感。據知劇集故事同上一輯無太大關連，但會延續懸疑感，龔嘉欣加入將與譚俊彥飾演一對，亦係佢好姐妹譚凱琪產後復出嘅首套劇集。