黃子華支持領養寵物：名種狗都取代不到

大家心目中的男神黃子華今日到元創方出席「Project 30」活動，支持「領養，不棄養」理念。子華神一出場，隨即吸引大批市民，場面熱鬧。他表示今次出席活動，源於搞手與他有著「不可分割的親密關係」，所以在公在私一定要撐場。另一方面，子華神也身體力行，最近領養了一隻流浪狗，愛心果然爆棚，真不愧是男神。

子華神坦言兩年前已有養動物的想法，但一直未有機會，直至早前行山，「我行山嘅時候，見到有隻流浪狗喺度哀鳴，我見到佢生存機會都非常渺茫，喺山度只能夠食草，諗住再拎啲食物餵佢，順便引佢收養埋，點知第二日就唔見佢。咁啱有朋友話係垃圾房見到隻狗，問我養唔養，咁就帶咗佢返屋企。」子華搞笑地透露狗仔姓梁，自己現在就當狗仔係皇帝咁服侍。

除了領養動物，子華神還想收養埋人？他笑說：「如果有一日喺山頭見到有個嬰兒，都會㗎！」、「又或者難保緣份嚟到，一個唔覺意有個細路叫我爹哋，就養佢㗎啦！」子華神表示幫到就幫，都會助養有需要的小朋友。接下來子華神將會忙於電影工作，他表示電影計劃已拖了很久，所以一定趕快實行。