蔡少芬拍《老表3》不捨兩女：想聖誕放假陪囡囡
撰文：郭敏玲
出版：更新：
一眾《老表，畢業喇》演員到九龍塘拍攝。（黃國立攝）
蔡少芬（Ada）、林欣彤、張文慈、小寶及吳沚默為新劇《老表，畢業喇》到九龍塘進行拍攝。Ada透露拍劇一個月，除了與同劇演員充滿笑料之外，兩個女兒對她的思念日復日地累積，「日頭佢哋要返學，所以我出去唔係好覺，到夜晚，佢哋唔明點解我會出去，就話：『做咩要出去呀？』見到我出去又會好唔捨得，錫完大女，又要錫個細女，都搞成十幾廿分鐘。」
蔡少芬笑言今套劇的對白好長，不過佢周不時都會遇到，所以無咩所謂。（黃國立攝）
女兒如此愛媽媽，Ada有無諗過開工時都同囡囡視像對話一下？「唔會啦，呢樣最好眼不見為淨啦，免得更加掛住啦！（會唔會帶埋佢哋嚟探班？）更加唔好啦！帶埋佢哋開工，我自己就唔使開工啦！要照顧佢哋呀！」為解兩位女兒相思，Ada都希望聖誕有假放，享受家庭樂，「希望劇組唔好搞我哋啦！都想放下假陪囡囡呀！」
蔡少芬就話一班人合作拍喜劇就係有好多笑料發生，尤其小寶，成日負責搞笑。（黃國立攝）
至於林欣彤在戲內飾演補習老師，與一眾前輩合作，她表示超級緊張：「會有壓力呀！不過佢哋真係好好，會指導下我，我自己都無咁驚！」她又謂劇中與Babyjohn有如初戀般的感情線，不過埋位時就會畀對方，搞到笑到肚痛：「佢真係好好笑，仲有小寶，一齊開工真係笑到無停過！」
另外，林欣彤昨日出席活動與香港業餘管弦樂團合作，獻唱《Reflection》及新歌《懸崖花》之餘，更聯同一班幼稚園小義工合唱《Let It Go》。Mag表示︰「早前綵排時已與三位小義工練歌，認為今次活動值得參與的原因是近年自己被情緒病困擾，深深明白生病並不是自己能控制，面對情緒失落都要靠自己去面對，所以我希望靠個人少少力量，可以幫助到有需要的小朋友。」
林欣彤就話佢以前有諗過做幼稚園老師，因為教育由細教起係好重要！（黃國立攝）
林欣彤昨日出席活動與香港業餘管弦樂團合作，獻唱新歌《懸崖花》。
張文慈一身緊身皮裙，身材十年如一日。（黃國立攝）
小寶及吳沚默。（黃國立攝）