陀槍師姐2021｜林穎彤捉色魔被搣屁股 真身上陣：想效果逼真啲
撰文：鄺鈺瑩
出版：更新：
林穎彤於中飾演嘅蕎頭係新仔一名，被分派到懸案小組。（影片截圖）
《陀槍師姐》堪稱TVB經典劇集之一，《陀槍師姐2021》上星期開播後，話題性十足，其中一幕更係由林穎彤（Bella ）引起。劇中被分派到「懸案小組」嘅佢，由於放蛇捉色魔關係，需以cropped tee、熱褲上陣，露腰又露腿，果然成功引到色魔出動，為怕觀眾睇得唔清楚，導演仲特地加咗個搣屁股鏡頭。
被咗效果逼真，林穎彤話自己真身上陣，仲叫對方大力搣。（影片截圖）
林穎彤接受《香港01》訪問時表示搣pet鏡頭播出後，身邊唔少朋友、甚至家姐都有向佢求證，到底個pet係未屬於佢。「真係我嚟架，為咗拍攝機位所以retake咗幾次，有少少尷尬但都ok，因為想出嚟效果逼真啲，拍wide-shot時我都有叫對方用力搣，自己都嗌得大聲啲。見到好多網民都有討論自己都開心嘅。」問到Bella之後喺劇中會否有更大膽嘅劇情，她笑言要將放蛇職位就返俾宣萱，而自己則會有少許感情戲發展。
點擊下圖睇放蛇過程
+26