曾志偉回歸無綫改革綜藝 謝天華認同好事：我隨傳隨到!
撰文：吳子生
出版：更新：
「亞洲心動娛樂有限公司」副總裁林文龍（龍哥）今日（4/2）邀請特別嘉賓謝天華出席其網台節目《「限聚音樂」唱談男人心》錄影。問到會否為天華開新戲？龍哥笑言：「佢咩都唔多，係錢多！就算我搵佢拍劇佢又唔收錢好難，感覺又好奇怪。」身旁的天華就話：「係佢話自己咩都唔多，係錢多。希望佢啲大製作會諗起我啦。」
林文龍同謝天華同台獻唱。（陳順禎攝）
另外，提到曾志偉強勢回歸無綫，天華表示：「志偉哥回歸緊係一件好事，我諗全香港嘅觀眾都覺得係一件好事嚟。因為過往佢搞啲綜藝節目，都搞得好成功，如果佢電話到，我都會隨傳隨到嘅。（近來興翻拍舊經典劇集，會否覺得係時候翻拍自己成名作《潛行狙擊》？）呢啲就要問返啲電視高層。」
謝天華大讚曾志偉多才多藝。（陳順禎攝）