大叔的愛︱呂爵安經驗淺認緊張 盧瀚霆拍嘴戲前有準備:食薄荷糖

撰文:游大東
出版:更新:

改編日劇《大叔的愛》(おっさんずラブ)的香港史上首套同名BL連續劇,今天(8/2)下午於ViuTV九龍灣總台舉行記者會,包括三位男主角:MIRROR成員呂爵安(Edan)和盧瀚霆(Anson Lo),以及黃德斌,連同其他演員一同亮相。談到今次參演BL劇,Edan與Anson Lo直言因為入行年資短,演出經驗尚淺,所以開鏡前各自面對不同壓力,至於粉絲最關心的接吻鏡頭,Edan承認沒有任何準備:「我知自己本身個口冇味呀嘛!」Anson Lo則說基於故事設定,他需要強吻Edan,結果造成損傷:「搞到我個上唇腫咗!」
撰文:游大東

港版《大叔的愛》落實演出班底,由MIRROR成員盧瀚霆(Anson Lo)與呂爵安(Edan)分別飾演「小牧」凌少牧以及「阿田」田一雄。(梁碧玲攝)

港版《大叔的愛》呂爵安盧瀚霆外陣容落實 黃德斌與舊拍檔演夫妻

大叔的愛︱簡慕華加國返港拍劇 與黃德斌三演夫妻:所有嘢好吸引

Edan透露,港版《大叔的愛》早於去年年中已決定開拍,「嗰陣時收到通知,知道可以做呢套劇嘅主角喎,梗係好開心好興奮啦,冇諗咁多,即刻答應,仲走去睇番日本版,因為我本身冇睇開呢類型嘅劇集。」隨着開鏡日期逼近,Edan的興奮心情漸漸消失,愈來愈變得緊張,「當然係緊張自己嘅表現啦,即係自己啲戲(演技),始終我哋真係好新,(演出)唔係好成熟,而日本原版又咁好睇,田中圭仲要拎埋視帝,成套劇口碑好好,我知道一定有比較,壓力其實係嚟自呢度。」

反而萬眾期待的男男接吻戲,Edan笑言並不困難,「因為我同Anson Lo真係好Friend,平時都同佢玩得好放,當然唔係玩到話會錫,但好在係同一位咁熟嘅朋友去演,成件事就一啲都唔覺得尷尬。」輕鬆到一個程度,當Edan知道很快就要拍那場咀嘴戲時,竟然完全沒有刷牙或漱口:「我知道自己本身個口冇味呀嘛!」而Anson Lo則指,清楚知道自己的口腔沒有異味,惟基於人與人之間的尊重,拍攝前先吃一些薄荷糖打底。如此說來,豈不是說Edan不尊重自己?Anson Lo笑謂:「佢不嬲都唔尊重我,我慣㗎喇!」

Anson Lo坦言,雖然只與Edan拍了一場吻戲,但遷就鏡頭關係,同一幕總共拍了大約20次,更「投訴」Edan的牙齒相對突出,結果令他上唇受損變腫。(梁碧玲攝)

日本原裝版有7集,而港版則延長至15集,是否意味吻戲也會加碼?Edan指看過劇本,編劇沒有刻意「加料」,亦不知道監製和導演的意向,「如果係有需要嘅話,我哋唔介意,但我哋又會諗,如果錫得太多,咁就唔矜貴,嗰一幕出現嘅時候就唔夠Surprise喇!」現時《大叔的愛》只拍了大約三分之一,吻戲只拍了一場(在中環海濱天星碼頭附近取景),但遷就鏡頭之故,同一幕前後共拍了大約20次,Anson Lo認為自己已經相當叻仔,衝破兩大關口!「一來要衝破(Edan口腔)嗰種味道啦,同埋衝破嗰種撞擊感覺,因為佢棚牙比較外露,咁啱嗰場,阿牧係要好強悍咁錫落去,每次我個上唇都會撞落佢個嘴度,然後腫咗,嚟緊要拍的兩三個場口,又係我主動錫佢,我驚會再腫多次。」

呂爵安、黃德斌與盧瀚霆將會在港版《大叔的愛》飾演田一雄(阿田)、翟國強(KK)和凌少牧(阿牧),於地產公司裏展開一場男男三角戀。(梁碧玲攝)
港版《大叔的愛》一眾演員今天(8/2)於ViuTV九龍灣總部出席記者會,並預祝拍攝順利。(梁碧玲攝)

點擊下列圖輯,欣賞更多Edan與Anson Lo的記者會合照:

+17