林峯夫妻檔吸金拍內地騷《妻子的浪漫旅行》  拖實老婆超恩愛

撰文:鄺鈺瑩
出版:更新:
有網民影到林峯出現喺《妻子的浪漫旅行》嘅拍攝現場。(微博圖片)

內地綜藝節目《妻子的浪漫旅行》每季都會搵嚟香港藝人夫妻檔做嘉賓。陳小春、應采兒、張智霖、袁詠儀、丁子高、楊千嬅都先後做過固定嘉賓。第五季今日喺內地正式開拍,有網民影到林峯同老婆張馨月由酒店出發,只見林峯一手拖行李箱,一手拖住老婆,十分恩愛。除後再有網民影到,身穿羽絨外套嘅林峯喺室外進行拍攝,並與並他嘉賓握手。

拖住張馨月由酒店出發。(微博圖片)

有指林峯北上發展後,一直未有見得人嘅代表作,所以希望通過公開夫妻日常生活殺出新血路。其實林峯同張馨月由拍拖、結婚到生女都一直非常低調,今次肯以夫妻檔出演,相信有一定話題性以及收視。此外,新一季《妻子的浪漫旅行》嘅嘉賓仲有陳建斌、蔣勤勤、秦海璐、王新軍、奧運會體操冠軍鄒凱、周捷,而團長謝娜因為陀第2胎要暫時退出。

死都唔放手。(微博圖片)