【無綫頒獎禮】吳業坤入圍「男飛躍」 自覺未夠火候：唔算做得好
撰文：郭敏玲
出版：更新：
坤哥不論在台上還是台下，都叫大家支持張頴康。(黃國立攝)
坤哥就話自己而家拎獎都未係時候，仲有好多地方要進步。
吳業坤（坤哥）身穿粉紅色西裝出席TVB盤菜宴，原來他剛忙完拍劇。問到入圍「飛躍進步男藝員」一獎，坤哥表示：「如果畀我揀，我會揀投畀張頴康，因為佢努力咗咁耐，而且做得好好。（點解唔投畀自己？）好多謝大家一直對我嘅支持，但係我覺得自己仲未夠火候，而且都唔算做得好好，所以都想趁呢段時間再學下其他嘢，拍好啲戲，想好啲歌。」問到幾時先夠火候拎獎？坤哥二話不說表示：「我諗30歲左右啦，係要啲時間。」
提到最近工作，坤哥就表示忙住拍劇，還有要為準備年尾一連串的音樂頒獎禮，今年又有無信心：「我今次都係平常啦，到時我會想著得靚啲多啲啲。」