雙祥見︱阮兆祥曾遭梅小惠整蠱 着禮服打邊爐熱到想死

撰文:
最後更新日期:

阮兆祥同黎耀祥入行多年都被整蠱過唔少次。(影片截圖)

阮兆祥同黎耀祥喺新一集《雙祥見》中細數被整蠱的經歷,阮兆祥表示當年收到梅小惠的生日派對邀請卡,寫明男生需穿禮服出席。不過當阮兆祥到達酒店後發現沒有任何ball room,其後他去到酒店旁的火鍋店,只見梅小惠t-shirt牛仔褲出現,但身邊的朋友全都禮服上陣,他才發現被壽星整蠱。

 TVB劇集《真命天子》由劉德華、藍潔瑛主演。(影片截圖)

黎耀祥說他當年拍《真命天子》時,身穿闊袍大袖與主角劉德華做對手戲:「同佢拍完之後,仲係好緊張,一cut機點解我衫袖有啲煙走出嚟,一睇!哇!成紮香扔咗落去,燒着咗裡面,當時我係新人好緊張,立即搵水淋熄,又唔敢講比服裝知。呢件事我搵唔到華哥證實,但我收到風當年佢係非常八厭,片場當遊樂場玩。」

黎耀祥同劉德華對完戲之後,就被火燒衫袖,當時仲喺新人嘅佢嚇到唔敢出聲。(影片截圖)

阮兆祥表示曾聽苗僑偉講述有人拍探病戲時,有人趁roll機前一刻,將被子揭開並將熱水倒下去,搞到但由於已roll機,臥床嘅演員唯有死忍。「拍古裝落頭套時,需要用綿花沾上火酒,融化膠水才可以將頭套拿出。溫兆倫將整樽火酒倒晒,換成清水,大家整完之後一拉,真係痛死。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。