湯怡結婚|與麥秋成對BB性別三緘其口:希望生一個以上

撰文:洪曉璇
出版:更新:
湯怡換上閃爆禮服現身,孕肚明顯隆起。(葉志明攝)

恭喜恭喜!湯怡麥秋成喺2月26日元宵佳節,正式拉埋天窗。懷有身孕嘅Kathy先後著3套禮服,都乖乖配以平底鞋及波鞋,安全至上。麥秋成亦對太太呵護備至全程拖到實。提到早上巨型龍鳳鈪,湯怡話特別多謝老闆楊受成厚愛:「龍鳳鈪戴上手真係好有份量,多謝老闆同親友愛錫。人哋話轉龍鳳鈪幾多圈代表生幾多個,爹地媽咪起勢轉成5,6個圈嚇親我。我哋暫時努力賺錢先,希望一個以上。(依家肚入面嗰個男定女?)你哋估下,女仔嗲啲男仔又可以一齊玩,好難揀,男女都好想。」

湯怡笑言懷孕後記性差咗好多,但佢哋就絕無忘記之後要補辦婚宴,同親朋好友分享喜悅:「疫情下好多舞蹈員戰友都請唔到,之後再搞婚禮宴請大家,但暫時未定日子。」

鑽石好大粒。(葉志明攝)
+7

同場加映:陳偉霆IG直擊湯怡麥秋成婚禮 新郎新娘激情擁吻勁甜蜜

+6