61歲鄭丹瑞新片戀周秀娜：有好多大膽戲
撰文：郭敏玲
出版：更新：
阿旦與娜姐表示上節目為宣傳電影，如果玩遊戲有獎都唔拘。(郭敏玲攝)
鄭丹瑞、周秀娜、王祖藍、朱咪咪等出席TVB節目《我愛香港》錄影。61歲鄭丹瑞與31歲周秀娜剛拍完喜劇賀歲片《小男人週記3之吾家有喜》，兩人飾演情侶，他們笑言雖然拍笑片，但過程好認真，旦哥說：「娜姐就好信任我，有好多大膽嘅戲，佢都二話不說咁做，令我好感動！」還講到娜姐拍戲如此專業，旦哥日後要開戲，周秀娜是不能取代的女主角人選。
電影裡兩人有多個親熱場面，甚至有鴛鴦戲水的鏡頭，問到旦哥會否覺得好著數？他說：「你有幾可會見到我係做男一？難得做男一，唔係唔攞呢啲著數啊嘛！」娜姐在旁都話：「真係唔係尷尬，都係擔心套衫要夠靚，著得要夠舒服，唔會去諗點樣，最緊要開心。」後來娜姐仲話旦哥拍香艷場面時好忙：「反而旦哥又做演員又做導演，呢頭拍完，嗰頭自己嗌cut，都忙到呢啲場面都唔浪漫！」非常搞笑。
娜姐被阿旦大讚演技專業，日後有很多空間發揮，而且發揮得好。(郭敏玲攝)