鄭中基加場全靠「奶媽」 咪咪姐：希望佢會投桃報李
撰文：郭敏玲
出版：更新：
朱咪咪出席《我愛香港》錄影。咪咪姐就話隨住年紀漸大，就決定開完年初七的紅館個唱，就唔再搞個唱，點解？咪咪姐話：「早前就病咗，都病咗好一段時間，就發覺年紀越大，就需要越多時間休息，今次個唱其實都好忙，要準備好多嘢，所以開埋呢場就唔開啦。（以後唔再唱？）咁又唔係，因為個唱係得自己一個人孭飛，如果有人一齊嘅話就當然無問題。」
咪咪姐就話作為鄭中基「曾經的奶媽」，見對方個唱反應咁好，都幫下手。(郭敏玲攝)
早前暴龍哥鄭中基就講到第二次加場成功，全賴咪咪姐拔刀相助，咪咪姐就話：「我同佢係拍《錦繡良緣》時候就已經認識，我就做佢奶媽，咁佢開演唱會咁好反應，就幫下佢，希望佢都會投桃報李啦。」咪咪姐話同鄭中基一齊就會雞啄唔斷，仲希望可以做鄭中基個唱嘉賓：「我唔介意年初三嗰場做嘉賓上去唱下歌開心下㗎！唔收錢又點話！」
咪咪姐就話作為鄭中基「曾經的奶媽」，見對方個唱反應咁好，都幫下手。(郭敏玲攝)