鄭融出席藝術展透過作品抒發情感：好似沖咗個涼咁！

鄭融（Stephanie）今日（12/3）現身石硤尾出席慈善藝術展揭幕禮。講到藝術展覽廳，展出30位本地藝術創作者不同風格的藝術展品，Stephanie表示：「我睇到好多好靚嘅作品，令我感覺到用藝術係可以同大家講情緒健康，真係好適合不過。因為每一位畫嘅藝術作品同風格都好唔同，每一個人都係好獨特，冇話邊一樣情緒係好，又或者邊一樣情緒唔好，咁所以樣樣都係好，應該係屬於自己。透過呢個畫展，睇咗幾個鐘，自己好似沖咗個涼咁，個感覺幾特別。」