聲夢傳奇︱14歲鍾柔美、姚焯菲成最年輕參賽者 感激家人全力支持

撰文:陳芷穎
出版:更新:

無綫歌唱真人騷《聲夢傳奇》早前因人事變動一度傳出「煞停」消息,不過節目最終獲放行並將於4 月10日起逢星期六晚播出。為隆重其事,TVB今日(19/3)特意舉行記招公布詳情,15位參賽者亦以全新形象登場。

為隆重其事,TVB特意舉行記招公布詳情,15位參賽者亦以全新形象登場。(葉志明攝)

活動期間,大會播出一眾參賽者的生活照,年僅14歲、被視為大熱的鍾柔美(Yumi)素顏照充滿仙氣,而同樣只得14歲的姚焯菲(Chantel)則少女味濃。作為年齡最輕的參賽者,Yumi和Chantel直認有優勢,Chantel說:「因為我哋比較細個,吸收知識會快啲,學嘢都會吸收得快啲。」Yumi則指年輕才有動力追夢。

Yumi、Windy以及Chantel同樣是中學生,既要兼顧學業,又要接受密集式的培訓。(葉志明攝)

Yumi、Chantel以及15歲的詹天文(Windy)同樣是中學生,既要兼顧學業,又要接受密集式的培訓。年紀輕輕卻思想成熟的Chantel明白要有所犧牲:「少咗好多時間做其他嘢,好似做功課,玩同瞓覺嘅時間一定要犧牲。12至5點返學,朝早會溫書,放咗學就練歌。」Windy就盡量學校完成溫習以及功課:「盡量喺學校做晒所有嘢,小息時間溫晒啲書、做晒啲功課,返到屋企就可以即刻練歌。」Yumi與Windy的方法類似:「喺學校一定溫好晒啲書,即刻返屋企休息一陣就練歌。」

參賽過程雖然辛苦,不過幸好三位得到家人全力支持。Yumi說:「每次拍攝媽咪都會跟住我哋,見佢好似好辛苦,真係辛苦晒佢。」Chantel的媽媽就會提醒她注意休息:「Daddy成日跟我出入,媽咪有時都會一齊,佢會叫我休息多啲、飲多啲水,唔好食咁多薯片。」三位坦言現時出街多了人認識自己,一句加油和支持的說話已經令她們非常感動。

點撃睇更多活動照片以及三位的生活照:

+5
發表評論...