女神戀愛現場｜梁敏巧期待與猛男配對 笑言攞正牌去媾仔：福利嚟
撰文：吳子生
出版：更新：
梁敏巧（Maggie）今晚（15/2）現身電視城出席無綫綜藝節目《大師兄春日限定感謝祭》錄影，而她亦有份參與無綫真人騷《女神戀愛現場》（暫名），將會與不同猛男進行約會，考驗愛情、友情和人性的戀愛配。
梁敏巧在接受《香港01》訪問時表示：「我收到通知有得參與呢個節目，我係開心到瞓唔着，因為可以攞正牌去媾仔。（怕唔怕又遇到好似Babyface咁嘅男仔？）咁又唔驚嘅，我哋係性格取勝嘅，可能會啱Feel呢。（怕唔怕拍完呢個節目，同參賽者動真情？）話唔定㗎，可能公司幫我搵到如意郎君呢。同埋我好希望可以透過呢個節目，可以搵到一個好似彭于晏咁靚仔嘅男仔，同埋有佢咁大隻嘅身形就好啦，始終呢啲都係福利嚟，約會食個飯同埋又有啲接觸，變咗我係好期待。」