痞子無間道｜安德尊對白搞笑貼地兼啜核　連大台財困都搬埋出嚟

TVB劇集《痞子無間道》由周嘉洛、陳瀅、朱敏瀚、王灝兒、車婉婉、曹永廉、麥美恩、黃子恆、韋家雄、何泳芍等人主演，今日（17日）已經是劇集播出的第二周，上星期播出時已有不少的鹽花，除了第一集的周嘉洛被「剝光豬」後，又有何泳芍及朱敏瀚的裸露鏡頭。

《痞子無間道》以搞笑為主，除了向不同的電影及劇集致敬外，連改名都很「啜核」，例如：費仁（廢人）、符玲（扶靈）、范泰帥（犯太歲）等搞笑名字。今日一集的一段對話亦很「搞鬼」，莫偉文向陳瀅表示有兩個衣箱不見了，安德尊就表示：「唔知係唔係邊個雜工收到風話大台財困，冇錢出月錢，所以咪靜雞雞偷咗兩個衣箱囉。」陳瀅傻眼問：「唔係啩？」莫偉文立即一臉認真說：「唔通係堅嘅？」林漪娸出來打圓場：「傻嘅，邊有啲咁嘅事！」

雖然林漪娸及安德尊表示「冇啲咁嘅事」，指是般隆門說他們壞話，但莫偉文再爆出一句搞笑的：「我哋都係唔好做啦，橫掂做嚟都冇人睇嘅。」寫對白的果然夠貼地又搞笑，相信應該令欣賞的觀眾看得很開心兼過瘾。