現年34歲的網紅「五索」鍾睿心（Rachel）與身家以百億計的66歲大生銀行主席馬清鏗爆出婚外情，兩人拍拖9年，育有4名子女。早前五索在情人節曬出獲另一半「馬生」送花、送蛋糕的照片，力證感情穩定，但就大爆馬生大「縮水」，其後又拍片表示不可再亂講嘢：「阿馬先生會嬲㗎，我再亂講嘢，我會俾人哋cut水喉㗎！」不過五索依然活躍於社交平台，除了與裕美、林作合體拍片之外，日前她就曬出做完Gym後去推拿的自拍照，可見身穿貼身瑜伽服的她身形Fit爆，全身零贅肉，完全不似五子之母！

日前五索拍片表示因擔心出鏡太高調而惹來馬生不滿，更直認「舐咗嘢要笠水」，所以無法再出鏡，她又自言「愈躺平愈幸福」，所以「絕對唔可以做嘢」，不過就被裕美大爆全因「乜嘢都唔識做」：「你係真係乜嘢都唔識做，你係我認識嘅唯一一個人類係可以乜嘢都唔識做呀！真係！」有網民亦留言好奇五索有什麼吸引力：「係佢真係識吸引住男人個心，定純粹遇到個男人對佢死心塌地？」而裕美就代為回覆：「床上功夫了得」。