張致恒Steven與老婆雯雯（區燕雯）2019年奉子成婚，四年抱四，最細兒子只有1歲5個月大，一家六口長期陷入財困。Steven屢被公開追債，但演出工作欠奉，即使「打散工」做打地盤及渠務工仍然入不敷支，太太雯雯不時在社交平台出Post投訴。

今日（25日）雯雯再以黑底白字在IG Story，詳細列出7個要交錢的項目，留言：「今個月簡值（直）逼我去死，個個追還錢，中電只係比兩星期時間，28號就cut電，宜家咁凍先壞熱水爐，業主仲要我比2000，先肯搵人黎（嚟）整，學校又追書簿，另一邊又追註冊費，仲要交租，牧中心又要交，奶粉又冇，想我點呀！放過我喇！我完全抖唔到氣！」