張致恒一家長期經濟困難，雖然他有做雜工，但根據他之前講過年都侷住「提早收爐」，似乎搵得不多，加上日前他炮轟《財政預算案》取消資助，一家六口似乎更陷入水深火熱，他要另覓「財路」。

日前張致恒就在社交平台貼出一堆馬會投注紀錄，全波都是贏馬、贏波，有一項投注更是買$20,000贏$104,384，張致恒幫對方宣傳，他說：「不得不幫呢位師兄宣傳下，跟咗一段時間真係可以喺馬會贏錢，真係幫補咗我唔少收入。」又指自己貼出的投注紀錄便是對方贏的「飛」，之後他貼出了一個Telegram群組連結，叫大家有興趣可以去睇睇。

張致恒此IG stories 引起網民爭議，指他宣揚賭博，恐誤墮法網。其實過往他亦曾在社交平台貼出疑是網上德州撲克平台網站廣告，但有網民就認為，找張致恒宣傳賭博冇說服力，更謂：「佢條X街冇錢仲走去賭」、「咁易贏錢個個喺屋企攤喺張床撳兩個掣就有錢收，X有人返工咩？」、「搵佢賣廣告有說服力咩？」、「搵佢賣廣告個人係咪搞笑，贏到錢佢老婆唔使X叫啦！」