譚凱琪新劇演病人 為角色狂做資料搜集：對住塊鏡練戲
撰文：吳子生
出版：更新：
譚凱琪（Zoie）今日（10/3）現身銅鑼灣為醫療中心拍攝廣告。譚凱琪接受《香港01》訪問時表示：「今次我拍呢個廣告主要係講盆骨修復，原來我唔檢查，都唔知我盆骨有咁大件事，我個盆骨係傾前咗。之前都有朋友係憑肉眼都見到我盆骨有傾前，佢哋係有話過我知，但我係冇乜點在意。而家知道咗之後，就要勤力啲接受盆骨修復治療，避免日後會有好多病痛走晒出嚟。」
提到又開新劇，譚凱琪表示：「其實過兩日就會有宣傳活動，而呢套劇我係再次同阿Mo（陳豪）再合作變咗我只能夠講，呢個角色對我嚟講好大挑戰性，因為今次係演一個病人，為咗呢個角色我係做咗好多資料搜集，同埋自己都有對住塊鏡練戲，咁所以好相信大家係未見過呢個譚凱琪。」