滑冰女神馬曉晴公開認愛桌球「世一」卓林普　竟然對一樣嘢無興趣

滑冰女神馬曉晴（Maisy)今日（27/3）現身尖沙咀出席《香港01》聯同網紅營銷平台Starry舉行第二屆《網紅營銷品牌大獎2024》頒獎禮。Maisy除了本身是一位滑冰教練之外，亦有經營YouTube個人頻道，她接受《香港01》訪問時表示：「其實要經營一個頻道真係好困難，始終而家都有好多網紅，變咗要突圍而出，要與眾不同，變咗會拍教人溜冰同埋做運動嘅片俾大家。」

桌球「世界一哥」卓林普（Judd Trump），早前受訪時透露確定移居香港原因之一是想陪伴在香港居住的女朋友，但外界有指其女朋友正是「滑冰女神」馬曉晴。身為滑冰教練的Maisy，被問到有否時間學打桌球？Maisy甜絲絲的說：「冇呀冇呀，運動方面我都係同啲朋友行吓山。（你對桌球冇興趣咩？）哈哈，其實都冇乜興趣，因為太難啦。（你男友打桌球好叻！）但我唔識玩。（佢唔會教你咩？）其實真係冇乜時間，因為每日都好忙。（佢而家喺唔喺香港？）唔喺，因為佢而家比緊賽。（會否長時間相隔兩地影響感情？）咁冇嘅，始終個人就唔想多講，始終呢排都好忙。」