《東張西望》今日（28/03）報道一單裸聊勒索案，陳小姐向《東張西望》表示自己透過交友app認識了一名「女性」，及後稱「貪玩」傳了自己的私密照給對方，怎料對方收到私密照後向她勒索金錢，更表示如果不付金錢補償的話，就會將照片傳給他的通訊錄上的人。不過，陳小姐就表示因為有男朋友而且準備結婚，所以不想將事情鬧大。

《東張西望》主持以「陳小姐朋友」身分打給騙徒，對方就十分囂張，說：「邊個陳小姐？勒索咗好多個小姐喎，兄弟。」其後又不斷指示，要求要收5萬元才會刪除有關資料：「第一次收咗一萬幫佢剷咗，第二次收咗佢四萬，又幫佢剷，我都冇搞過佢。最後一筆五萬，佢走佢嘅陽關道，我走我嘅獨木橋，就係咁簡單。」

主持又表示，這麼明目張膽，為何不怕警察？騙徒就說：「咁又點？你咪報警囉，我喺境外，你報警只係幫你寫張（報案）紙。」及後，主持向騙徒要求查閱有關的「被勒索」資料，騙徒又拒絕，明言：「我做嘢有我原則，就算你畀錢我都唔可以洩密你朋友資料。」相當令人可疑。