演員吳肇軒因參演《哪一天我們會飛》而入行，近年也參演了《金手指》、《做個有錢人》等作品。不過，除了是一位明日之星、電影新秀、可造之材、電影男神、影壇新貴外，更加是圈中有名的「爛gag王」及社交平台中毒者，凡是打開threads睇帖文，都總會見到他開post講爛gag和笑話。而今日，他就「大爆」好友陳家樂家暴老婆連詩雅。

當然，實情並非是陳家樂家暴老婆連詩雅，而只是陳家樂和吳肇軒講及的一則笑話。吳肇軒在threads上分享：「我老婆話想要個set dinner，我冚咗佢一巴，之後問佢：『夠唔夠Sad？』感謝陳家樂提供笑話。」還貼心地tag了陳家樂的帳號。

之後有網民留言：「靚仔應該唔算家暴」，吳肇軒又發揮亂噏本色，回覆：「佢本身個笑話係，佢自己係咁喊，係我改做冚一巴。本笑話沒有任何老婆受到傷害。」十分之好笑。