韋綺姍不知好友李國祥患病 難捨對方離世：個心係好唔舒服
撰文：吳子生
出版：更新：
韋綺姍今晚（9/4）現身灣仔出席《好在有朋友》慈善音樂會，提到好友李國祥上星期傳出死訊，終年60歲。韋綺姍接受《香港01》訪問時表示：「其實當我收到朋友來電先知佢走咗，嗰一刻個心係好唔舒服。記得前幾年佢未搬去廣州住嘅時候，我哋都會去佢屋企度拜年見面，而我最後見佢已經係兩年前嘅事。」
被問到李國祥近年身體健康狀況？韋綺姍表示：「其實我係唔知道佢有病，因為佢係一個好開心嘅人，我睇唔出佢有病。直至到有人通知係前一排從朋友口中得知佢身體健康出現咗問題，我係好愕然，而家我都係等緊人通知我幾時會有追思會。」