張建聲早前在直播哭訴苦無機會拍戲，為交際應酬更飲酒飲到屙血，真是令人心酸。今日（26/04）他出席運動品牌活動接受《香港01》訪問時表示，最近剛拍完王晶的電影《嫁鬼》：「跟住聽日就飛馬拉去拍一部系列電影嘅第四集。」

張建聲表示雖然他的角色在上一集已經消失，但今次將以一個全新的角色回歸。早前他在直播中吐苦水：「見面嘅地方一定係輕輕鬆鬆，摸吓酒杯底，但係你唔會淨係望一個投資方，而係10個或者100個要見，但係人大咗真係要揀，第一身體頂唔到，因為就算每日叫你飲一杯，你都搞唔掂啦，另外我發覺自己扁桃腺好大，所以我考慮緊割唔割，因為成日都會扁桃腺發炎。」

他笑言不敢去做身體檢查，因為怕檢查完發現身體多病痛。記者開玩笑說，檢查完會出事，他回答：「如果係，我即刻開套戲，我同你講！哈哈哈！將最後燦爛嘅一刻留喺度。」談及電影寒冬期，他表示更珍惜每次開戲機會：「而家比以前珍惜多10倍，以前唔好話老馮，但係會覺得會有囉，但係前三年係黐線地冇嘢（冇工開）嘅。」