鄺文珣上月50歲生日，因自己買蛋糕、買花而傳婚姻再亮紅燈，今日她（30/4）出席藝術展時解釋這是場是美麗的誤會。「花係因為靚所以買，佢其實搞咗個surprise party，但搞唔掂，所以最後同我講，叫我搞埋個尾，但呢個生日係我最開心嘅生日。」鄺文珣直指老公在製造驚喜方面十分唔掂，試過好幾次洩密。問到最終可有收到生日禮物，鄺文珣表示老公花心思已是最好的禮物，又指老公執到寶，因為自己十分易哄。

而對於踏入50歲，鄺文珣表示向來不太在意歲數，今年生日開始細想如何好好運用時間，其中一件事是與老公到教會分享。「我同老公跨過咗啲好難行嘅路，好多人都面對婚姻或自身問題，我哋希望透過分享去幫其他人。又唔算顧問，因為我同我先生嘅性格好唔同，嚟緊你話有冇問題，我都未必答到你，但點去處理拗撬，已經同以前係唔同晒。」

提到今日的藝術展，鄺文珣認為自己有藝術細胞，而近年亦不時會到好姊妹李亞男家中畫畫，又指對方家中如畫廊，兩位女兒亦甚有天份。「我好多時喺佢屋企畫，畫完我又唔會拎走，就keep喺佢屋企，所以真係畫廊咁。」