馬詩慧（Janet）今日（10/5）現身中環出席「Lupus Reimagined 2025」世界紅斑狼瘡日藝術展覽開幕典禮。提到日前（8日）結婚33周年紀念日，在社交平台大曬當年甜蜜註冊結婚照羡煞旁人。

Janet接受《香港01》訪問時表示：「其實Michael（王敏德）佢份人係好浪漫，同我係好相反，因為我唔係一個浪漫嘅人嚟，而係一個好現實嘅人嚟。就算有時佢做咗啲好浪漫嘅嘢呢，例如送花，我都會話佢點解要咁嘥錢，仲叫佢下次唔好送。因為收到啲花之後，又要我去處理佢，搵個花樽插住佢，到佢凋謝咗之後，我又要拎去掉，變咗我係有好多嘢要搞。但我知咁樣對佢唔係幾好。但始終我又唔會話要迎合佢，就去改變我自己。」