林保怡今日（19/5）現身將軍澳電視城出席無綫新劇《刑偵12》宣傳造勢活動。對於相隔14年重返TVB拍劇，林保怡接受《香港01》訪問時表示回憶返晒嚟：「我返到嚟見返好多幕後嘅朋友，好多都長大咗，最犀利係我去到餐廳，我係見返仲多人，服飾、化妝，仲有《東張》全部都喺度，啲回憶係返晒嚟。」

談到如何促成今次與監製鍾澍佳攜手合作機會，林保怡就要數3年前在一個電影會上發生：「嗰日喺個會度見到佢，佢就口述咗俾我知佢想拍呢套劇，當時就問我有冇興趣拍，我就叫佢寫劇本俾我睇。其實喺呢三年來，我係冇乜特別在意，因為喺呢行，好多時候都係噏咗就算，冇諗過三年後呢個計劃真係成真，對我嚟講係好好彩。」

好友王喜日前在YouTube個人頻道大爆在台灣兩度遭人迷姦，並懷疑因此引發急性腎衰竭，要終身洗腎，事件引起網上關注，有網民替他健康感到憂慮。被問有否慰問對方？林保怡不願多談：「呢個我唔講，呢個係《刑偵12》嘅宣傳。（網民好憂心對方嘅健康狀況！）我完全唔知。」