梁珊在6、70年代出道，初入行主力拍國語片，其後先後加入麗的電視、無綫電視和亞洲電視，在電影《精裝追女仔》中飾演張敏媽媽「刁太」，以及在《富貴逼人》飾演電視台高層「呂魔頭」，令她的「御用惡女」形象深入民心。直到1999年，梁珊突然沒有再拍戲，淡出幕前並到加拿大生活。日前梁珊罕有現身，接受鍾慧冰的YouTube的節目《冰姐的花樣人生》訪問，外貌保養得，與實際年齡不相乎，而且中氣十足，狀態極佳，完全不似已年屆80歲。

鍾慧冰讚梁珊觀感年紀好後生，梁珊笑言不用「動刀動槍」（醫美），一直有做運動，而且在媽媽肚裡12個月才出世，她說：「身體好，我好多謝我媽媽，你知唔知我係陀12個月出世，入咗醫院3次都生唔出，跟住出嚟似人哋孖胎，好大隻、成身毛，仲要有牙仔添，我老豆話又係女呀，嘆氣，我媽講我知。我先天營養好足，係咪要多謝我阿媽！」鍾慧冰笑她中氣咁好，是否是靠「平時鬧人」？梁珊說：「依家仲有做運動，一星期去做四次瑜伽，仲有跳印度舞，學咗個人靈活啲。」

梁珊從小已想入演藝界，但遭家人反對，要她完成學業才可以入行，她說：「我爸爸係律師，媽媽係婦產科畢業學生，本來爸爸諗住喺香港開間幼稚園畀我打理，但係我同爸爸講，我都係對娛樂圈有興趣，爸爸話驚我學壞，我就同佢約法三章，我保證你個女兒一定會出於污泥而不染，我到今時今日都好對得住爸爸。」

梁珊說話一向快人快語，在行內有個花名「降落傘」，鍾慧冰解釋：「佢正直愛出頭，因為大過阿姐，惡過阿姐，乜都講，見唔啱就講。梁珊透露1984年拍《楚留香之蝙蝠傳奇》時苗僑偉被改花名，她說：「我唔敢認，佢哋話最大把遮係咩遮？我話我係Fruit Punch嗰把，佢就話唔係，係佢哋噏之嘛，我又冇同意，不過我又冇反對，咁未算囉，同人拗咩啫？」除做演員外，梁珊有一段時間更在電影學院擔任講師， 但她都試過因為「多嘴」而收口：「嗰陣拍外景，細細聲同導演講話佢機位反咗，如果我唔講嘅話，到時一定要返嚟補戲，點知傳出去話我多嘴。」梁珊多年來都少談感情事，她覺得是私人事，對其他人而然只是八卦新聞，所以一向避談，但原來她早已有另一半。