P1X3L在《第46屆十大中文金曲音樂頒獎禮》獲以專輯《P1X3L〉獲「最佳中文唱片獎」，他們表示從未想過會得獎，而憑專輯獲獎更是一種肯定。Phoebus解釋當初專輯是送給fans的禮物， 今次得獎後，希望獲公司安排錄製新歌。「係多少少底氣嘅，其實無時無刻都爭取緊。」

George早前被網友發現撞樣酒吧男模，連他自己亦表示羨慕對方好身材，Phoebus即表示如果Goerge下次練習時遲到，大可考慮半裸排練。

另外，與ViuTV有合約在身的他們，問到是否也如姜濤所說「仲有3年約」，George說：「但升職加人工係人都想，應該都係差不多要傾，有建議加人工，但有無成事就唔知。（有咩條件？）非常簡單，有歌出就得。（唔加人工都OK？）無錯！或者繼續留喺呢行都好滿足。」