劉錫賢和秦啟維今日（18/6）現身灣仔出席軒尼詩關愛隊藝人演藝工作坊。對於早前忽然暴瘦惹患病疑雲，令網民擔心不已。劉錫賢接受《香港01》訪問時笑言：「嗰段時間我係刻意減肥，不過之後又多咗應酬食多咗嘢，嚟近下星期我又要見醫生，到時實俾醫生鬧，話我又肥返。不過指數係冇問題嘅，只係體重略為有變。」

秦啟維自2015年由亞視轉投無綫後，初期主要以主持娛樂新聞為主，後加入《愛‧回家之開心速遞》中「細力」一角受關注。至於近來工作安排，啟維接受《香港01》訪問時表示：「我而家每年都會做一套舞台劇，3年前已經開始踏足返舞台劇，都用咗好多時間。（會唔會少劇拍？）又唔會喎，我本身都拍咗嘅劇都未出，同埋有啲喺內地拍，我都有協咗拍攝，咁所以我嘅工作量暫時係Ok嘅。（經濟壓力？）呢一刻暫時就冇經濟壓力。同埋公司對我好好，佢哋係俾我接舞台劇。」