本地女團COLLAR中的「忙內」成員王家晴（Candy）在2020年度DSE考獲佳績，入讀香港城市大學社會科學學士，主修心理學，一邊做藝人一邊返學，是團內的「隱形學霸」！忙於工作的Candy日前終於正式大學畢業，COLLAR全員驚喜現身畢業禮，並在社交平台分享靚相

隊長Gao日前在社交平台寫下留言：「Happy graduation baby」，在她分享的照片所見，成員們特別為Candy打造「恭賀王家晴才女畢業之喜」橫幅，夠晒搶眼，令Candy都「社死」！除此之外，畢業生Candy更戴上成員們安排好的「食字」彩帶，字句包括「家晴心理學勁到你錯愕」、「晴人當然愛晴人」、「晴不自禁愛上你」、「我就係王家晴」，Candy戴上彩帶在校園內「遊街」，非常搞笑。

Candy在社交平台分享感受：「終於 畢業了💕 謝謝 @collar.weare 實現我曾經的小幻想，一齊同我影畢業相🫶🏻雖然你地嘅熱情令我有點社死，但愛你們啦😘 王家晴長大了🙂‍↕️ 仲有尋日收到公仔即興同「愛晴當入樽」影咗張😛 但齊唔到人sadddd🥲」