資深藝人雪妮（原名李超純）與丈夫、著名武術指導唐佳（原名黃唐）相繼離世，震撼香港演藝圈。唐佳於2025年6月23日在佐敦寓所墮樓身亡，享年88歲；雪妮因胰臟癌於7月3日在醫院病逝，享年78歲。兩人結婚超過56年，育有兩子，是圈中公認的模範夫妻，感情深厚，形影不離。

薛家燕今日（5/7）現身新城出席電台節目宣傳活動，就事件接受《香港01》訪問時哽咽表示：「我心情係好難過，當我知道雪妮都走埋，我係即時喊咗出嚟，同埋我哋一班朋友一講我哋又喊，因為佢哋兩公婆真係好恩愛。同埋我同佳哥（唐佳）合作過好耐，每套戲都係佢做武術指導，佢為人好友善，會循循善誘教導我哋。而雪妮姐，喺好多套嘅劇都係同我一齊，同埋約親佢哋食飯，兩公婆總會一齊。（知唔知雪妮嘅病情？）我係唔知。（最近見佢幾時？）喺年幾前見過佢哋。（唐佳生前身體及精神狀態如何？）佢冇乜嘢，年幾前見雪妮姐又冇乜嘢，大家都一齊出嚟食飯，唔覺佢哋有嘢。而且佢哋仲拖住手一齊行，係好甜蜜，咁所以我係諗唔到會係咁，我係好難過。希望佢哋去到天堂繼續佢哋嘅恩愛。」