從歌手轉職健身教練的鄧穎芝（Vangie），昨日（10日）在社交平台貼出一段片，見到有一男一女的長者坐在佐敦渡船街路邊，雖然用雨傘遮住，但就清楚見到女的將針筒注射在手臂，令人懷疑是道友「上電」，而地上亦有其他針筒。從相中所見，二人身穿的衣服頗為破舊不潔，有可能是露宿者。

鄧穎芝發文表示：「大街大巷😰見到咁個心好唔舒服，嗰一刻唔知可以做咩，我都有少少嚇親，我選擇咗報警，希望係幫到佢哋唔係害咗佢哋😢🙏」網民持兩極意見，有人認為應該報警，留言：「我是做戒毒的 放心 報警你係幫緊佢」不過也有人認為她多管閒事，指：「毒蟲係無得救，俾你報完警拉佢入去戒完，佢哋出返嚟一樣會食返。」「報X梗係害人啦！點可能幫到？」另外也有很多人接龍電影《門徒》的對白。

有網民指，或者老人在注射的是胰島素，鄧穎芝回覆：「我唔知，但周街打針都唔係好衛生啦」不過她其後將影片刪去，估計是因為有人指她影到兩位當事人的臉又沒有打格，認為不太恰當。