歌手周吉佩（吉吉）與特別嘉賓「喊包三兄弟」成員顏志恒與魏嘉信及約五百歌迷共同啟動「吉吉專列」起步禮，「吉吉，廣州見！」的集體吶喊，為吉吉廣州之旅打開序幕，場面盛大震撼。

吉吉更與在場歌迷進行大合照環節。吉吉表示：「今次第一次喺廣州舉行音樂會，心情好興奮，終於可以見下廣州嘅歌迷。今次音樂會最特別係同埋香港嘅fans一齊出發，所以大家都好興奮，之前同過fans去塞班島，今次去廣州玩，期待再同佢哋出發去其他地方，例如：馬來西亞，因為想去食榴槤。」

廣州音樂會作為此團核心，將於12日晚間舉行。音樂會以「夏日」為主題，吉吉更邀請特別嘉賓「喊包三兄弟」成員顏志恒與魏嘉信同台演出。吉吉表示：「一直都好想邀請到兩位戰友，今次咁難得嘅機會，又可以一齊唱歌，又可以三家人一齊玩下，好值得。今次佢哋兩位係嘉賓，希望將來有機會我哋3個一齊開騷！」