阮政峰憑TVB處境劇《愛·回家之開心速遞》飾演「池子孝」一角而廣受觀眾喜愛。日前阮政峰毫無預警下於社交平台正式宣布離巢無綫，結束14年的賓主關係。他透露做出離開TVB的決定當天，正好擔任《愛回家》宣傳活動的主持工作，這讓他感觸良多，告別時與好兄弟周嘉洛相擁落淚，場面感人。

周嘉洛今日（22/7）現身電視城出席無綫處境喜劇《愛·回家之開心速遞》宣傳造勢活動。他接受《香港01》訪問時表示：「其實當日佢喺活動上宣布要離巢，有呢個決定之後，佢係好感觸，始終佢喺《愛回家》都好耐。（有冇唔捨得？）冇話特別唔捨得嘅。因為我哋始終都會見，唔會話以後唔見得，變咗閒唔時都可以約出嚟見面。（公司唔同佢續約？）呢啲我就唔清楚，我諗詳細嘅嘢要問返佢。（佢有冇提點你要點樣演戲？）佢又冇，因為我哋平時好少講呢啲，都係講打機。」