P1X3L早前與環球唱片完約後，因不想到大灣區發展而未績約，由於成員先後表示「前路未明朗」，令粉絲Puzzle十分擔心。Marco（葉振弘）昨日（3日）出席時裝展時，透露依然會出歌。「唱片約都係同一公司（MKV），同前公司（環球）完咗之後，而家係百分百血統，之前係mix，個仔而家返嚟會有好多安排。（有無傾過任何音樂大計？）傾緊，打算睇下有啲咩令我哋再出歌時有新諗法。」

P1X3L之前由於唱片約屬環球，所以儘管是MKV藝人，但今年MIRROR、ERROR、COLLAR及ROVER的校園巡唱亦未獲安排參與，如今正式成為MKV親生仔，相信在音樂上會有一番作為。

上個月過35歲生日的阿Dee（何啟華），透露早前單拖到日本旅遊，並且沒有亂買東西，問到是否因要供樓而不敢亂花費，他說：「無錯，的而且確我成為負資產後，對金錢概念收窄好多。」他又呼籲大家多點找他工作，希望密食當三番。