今屆港姐冠軍陳詠詩（Stacey）今日（9/9）現身沙田出席《2025香港小姐競選》六福珠寶得獎佳麗領獎活動。對於早前火辣真空冧仔照流出，隨即引起網上熱議，有網民認為與港姐冠軍應有的良好優雅形象有嚴重落差感到不滿，但亦有網民大讚打破傳統港姐框架形象盡顯現代美。

Stacey接受《香港01》訪問時表示：「其實我選完之後就冇再理會啲評論，反而入咗圍嘅時候係好介意嘅人講乜，我諗經過嗰個訓練嘅階段之後，變咗就唔再需要再理會。（而家攞咗獎就更加唔使理會！）哈哈，可以話係冇咁緊張。（網民覺得太過火辣與港姐冠軍應有的形象有落差？）我自己就覺得冇乜問題嘅，我哋想做香港小姐，就係想做一個現代嘅女性，現代女性都鍾意陽光與海灘，咁所以我就唔覺得係一個問題。當然同以前30年前嘅係好唔同，我都明白係保守啲。」

被問到有否被公司照肺命令唔好Po性感照？Stacey笑言：「其實公司就咩都冇講，同埋啲相係好耐之前Po嘅，係啲人揾返啲舊相出嚟嘅。」