何依婷今日（11/10）現身荃灣出席TVB劇集《金式森林》宣傳造勢活動，劇集將於10月13日隆重首播。不過日前騰訊視頻率先播放，劇集推出後在網上製造了不少話題。其中在劇中飾演鄺善荃的何依婷，不乏性感演出，而且又豈止得一幕，在預告片上再見到半裸上陣的飾演高深的羅子溢與鄺善荃何依婷在床上激戰，簡直挑戰觀眾的感官世界。

人妻何依婷接受《香港01》訪問時表示：「其實係我第一次拍咁埋身肉搏戲，不過好多謝子溢佢指導我，喺拍之前佢為話俾我知佢會點做，變咗拍嘅時完全冇尷尬，同埋好快就完成咗。（要做防走光措施？）事前要半個鐘嘅時間去黐好多膠紙，到拍完嘅時候，撕落嚟係好痛。（拍呢場戲有冇同老公申報 ？）我一收到劇本就即刻同佢講，同埋拍完之後，反而佢係好期待呢場戲出街會係點。之後我就同佢講咗呢場戲，佢個反應係好搞笑，問我就咁咋？因為當時睇劇本講到好誇張，竟然出到嚟嘅效果係咁，令到佢好安心。」